Ewropa de çalakîyê piştîdayîşê Rojawanî

9ê Teşrîna verêne ra natayo ke artêşa Tirkî bi teyara, tanq, top û çeteyanê xo hêrişê Vakur û Rojhelatê Kurdîstanî kena. Heta nika netîceyê hêrişanê bombardumanê teyarayanê artêşa Tirkî de bi desan sîvîlî ameyî qetilkerdene.

Vera nê hêrişê dagîrkerîye û qetlîyaman de reaksîyonî her ke zêde benî. Bitaybetî Ewropa de kurdîstanijê ke bi rojan o seba piştîdayîşê Rojawanî kuçeyan de yê, vizêr reyna dimayê qirkerdişê sivîlî yê dewleta Tirkî vejîyayî meydanan û hêrişê dagîrkerî şermizar kerdî.

Çalakîyan de ame vatene ke ê ke piştî danê Tirkîya û vera nê hêrişan de bêveng ê berpirsîyarê nê qirkerdişê û hêzanê mîyanneteweyî ra ame waştene ke wa vernîyê nê şerî bîgêrê. Welatanê Ewropa ra Almanya, Portekîz, Avusturya, Îtalya, Fransa, Swîsre, Swêd û sewbîna cayan de çalakîyê protestoyî ameyî viraştene. Çalakîyan de siloganê  ‘Faşîst Erdogan’, ‘Bicuye xoverdayîşê Rojawanî’, ‘Bicuye Rayber Apo’, ‘Bicuye YPG, YPJ û QSD’ û sewbîna siloganî ameyî eştene. Çalakgêran de rayapêroyî ya mîyanneteweyî ra waşt ke wa vera qetlîyaman de hesas bibî.

BRUKSEL

Yazarın diğer yazıları

    None Found