3 bajaran de xeylê kesî tepişîyayî

Operasyonê tepiştiş û tewqîfkerdişî bêmabên dewam kenî. Tewr peynî bajarê Erzîrom, Edene û Antalya de hemşaredar û endamê meclîsê şaredarîye zî tede pêro pîya 18 kesî ameyî tepiştene.

Hemşaredarê Gogsî ya Erziromî Bûrhanettîn Şahîn, endamê meclîsê şaredarîye zî tede 10 kesî ameyî tepiştene. Qezaya Gogsî ya Erziromî de polîsan serê sibayî eşt serê xeylî keyeyan. Polîsan keyeyan de sehnayîşî kerdî û her çî serûbin kerd.

Dimayê sehnayîşê keyeyan polîsan hemşaredarê Gogsî Bûrhanettîn Şahîn, encumenê şaredarîye Yuksel Kişin, Erdal Bayram, Mahmut Çîmendag, encumenê Şaredarîya Bajarê Girdî ya Erziromî Mehmet Latîf Karakuş, îdarekarî Nûrî Kandemîr û Namet Yilmaz, encumenê verênî Erdem Kaya û Cemîl Oran û heman wextî de hemwelatîyo bi nameyê Erol Mahçûp tepiştî.

Reyna polîsan Edene û Antalya de zî eşt xeylê keyeyan ser û keyeyan de sehnayîşî kerdî. Ame musayene ke 8 kesî ameyî tepiştene. Kesê ke ameyî tepiştene, Mudirîya Asayîşî ya Edene de yenî vindarnayene.

AMED

Yazarın diğer yazıları

    None Found