AABK‘ û wekîlê Fransa şîyî serdena çalakwanan

Grevê vêşanîye yê bêdem û bêagêrayîşî yê Strasboûrgî roja 59’ine de yo. Parlamenterê Fransa Françoîs Pûpponî û temsîlkarê Elewîyan perê şîyî serdena çalakwanan.

Sekreterê Pêroyî yê Konfederasyonê Yewîya Elewîyan yê Ewropa (AABK) Bulent Antî û teba endamanê sazgehî şîyî serdena xoverrodoxanê grevê vêşanîye yê Strasboûrgî.

Bulent Antî wextê serdene de qisey kerd û ard ziwan ke xoverrodoxan bi waştişêko însanî dest bi çalakîyêka pîroze kerdo. Antî vat: “Zîhnîyeto ke ganî nê waştişanê çalakwanan bîyaro ca, rûmet, wijdan û edelatî ra bêpare yo. No têkoşîn têkoşînêko birûmet o. La ma qebûl nêkenê ke tecrubeyêde winasî, demêko winasî yo ke hewcedarîya şarê bi ci hende esta, leşa xo teslimê nê bêînsafî bikero.”

Hemserekê KCDK-E’yî û çalakwan Yuksel Koçî zî vat: ‘’Tecrîd teyna vera Rayberê Şarê Kurdî nê, vera heme hêzanê demokrasî û azadîperwaran o.Tecrîdî reyde ciwîyayîşêko bê rûmet kenê verê şarê Kurdî. Seba ciwîyayîşê bianorî ma qerardarê ke tecrîdî  wedarê.

Parlamenterê Fransa ame serdena çalakwanan

Parlamenterê Fransa Françoîs Pûpponî zî ame serdena çalakwanan. Pûpponî serê rewşa weşîye ya çalakwanan de zanayîşî girewtî û goşdarîya waştişê çalakwanan kerde. Pûpponî wextê serdene de ard ziwan ke o dostê şarî Kurdî yo û ê waştişanê çalakwanan bêrê rojdemê Meclîsê Neteweyîye yê Fransa û seba çareserîye destebera ey ra  do çi bêra bikero.

ANF/STRASBOURG

Yazarın diğer yazıları

    None Found