AKP psîkolojîyê wanijan xirap kerd

Peynîya ardlerzî bedilnayişê komele û travmayê ser bi hezaran kesî Wan terk kerd la nê maxdûran kura şîyê se zî nêeşkîyayê dejê xo vîr bikerê. Hukûmata AKP vat bi, înan do ekonomîya Wanî hewna bidê cuyayişê la no vatişî AKP zî zur vejîya. Nika di Wanî de esnaf îflas kerda.

BANÊ XO RA BIAGÊRÊ

Rijyayişê 3 hezar banê ser di navend û qezayê Wanî 644 kesê cuyayişê xo vînî kerd û 4 hezar kesî zî birîndar bîyê û nê birîndaran, ardlerzî ra bi hetkarîya kom û merdimê xelas bîy. Peynîya ardlerzî çi heyfo ke AKP kewt peynîya qezencê sîyasîyê.
Dewlet sifteyin hewte hêzê mojna la dîy ke qiym nêkeno, welatijan mehkûmê konanê hamnanê kerd. Peynîya ardlerzê yewin no dem Walîyê Wanî Munîr Karaloglu aşkera da û vat ke: “Wa wanijan banê xo ra biagêrê.”
Bi hezaran zerrîdarî seba hetkarîyê şîyê Wanî, hewna pêroyina Tirkîyayê seba Wanî hesabê bexşê amey akerdiş la belê hetanê nika hema zî nîno zanayiş ke nê pereyeke amey komkerdiş, ko ca amey xerckerdiş. Di no demî serekwezîr Erdogan seba rantî, destûr nêda ke Wan bibo heremê afetî.

PSÎOLOJÎYÊ BÎYANÎ

Komelenas Basrî Dara ser travmayê komeleyê ser vat ke peynîya erdlerzî bi hezaran wanijê nêçare Wanî terk kerd û koçê sewbî şaristanan kerd û wina vat: “Wanijan ko ca şîyê zî nêşkîyay ser xo travmayê erdlerzê bierzê û no ser zî kewtê psîkolojîyê bîyanî. Zatî di mîyanê demê kilmî de nêçare agêray Wanê la belê no ray zî di Wanî de pirsgirêkê gird ontî û nika di wanijan de pirsgirêkê travmayê destpê kerdo.”
Hewna komelenas Masum Aydin zî aşkera kerd ke peynîya erdlerzê heme tarzê wanijan bedilya û wina domna: “Peynîya erdlerzê nebat daxê cayê xo bedilnay û êdî nê nebatî randiman daxî nêda. Welatijan seba ke cayê xo bedilna, no ser zî psîkolojîyê welatijan xirap bi. Peynîya hîrê serrê hema zî di şaristanî de yew xebat nêameya kerdiş.”
Serekê Bazîrganî yê Erdîşî Îzzet Yagar zî vat ke binê projeyê Bedilnayişê Şaristanî heme planê awanîyê Erdîşî xirap kerdî, nika di Erdîşî de sektorê înşaetê sînorê vindertişî de yo û înan hukûmat reyde pêvînayiş kerd la belê hukûmat qet pirsgirêkê înan ra çareserê veynayişê xebat nêkerdo.

Namdarê emlakgerê Erdîşî Halîs Bahçe vat ke taybetê peynîya qezenckerdişê Şaradarîya Erdîşî hukûmat destpê faşîstî û nijadperestî kerd û bi nameyê Bedilnayişê Şaristanî her roj welatijê heremê maxdûr kenî û taybetê weçînayişê heremê nê polîtîkayê maxdûrkerdiş bi destê hukûmata AKP destpê kerd. Bahçe aşkera kerd ke arsaya Şaredarîya Erdîşî di normalî de vaya 70 Mîlyon TL bi la belê hukûmat na arsayê TOKÎ ra tena 70 TL rot, esnaf di Wanî de mîyanê serehewanayişî de yo.

DÎHA/WAN

Yazarın diğer yazıları

    None Found