Amadekarîya weçînitişê verwextî kenê

Endamê Komîteya Caardişî ya PKKyî Murat Karayilanî derheqê rojeve de qisey kerd û bale ante kerdişanê hukmatê AKPyî ser. Karayilanî da zanayene ke hêrişê peyênî yê ke rejîmo faşîst ê AKP-MHP-Ergenekonî vera îradeyê şarî de kerdî, hêrişê plankerde yî û Amed, Mêrdîn û Wan bitaybetî ameyî weçînitene.

Karayilanî dîyar kerd ke no tena binpaykerdişê ehlaq, huqûq û demokrasî nîyo, heman wextî de binpaykerdişê îrade, rûmet û şerefê şarî yo û wina domna: “Nê hêrişê cîddî yê. Bi nê hêrişanê peyênan şexsê HDPyî de heme Kurdî ameyî hedef girewtene. Xora her hîrê hemşaredarê ke wezîfeyî ra ameyî girewtene, mîyanê Kurdan de yenê naskerdene û her kesî temsîl kenê. Nê hêrişî vera estene û heqîqeta Kurdan de bîyî. Îqtîdaro faşîst ê AKP-MHP-Ergenekonî yo ke peynîya ci nêzdî bîyo, seba ke vînîkerdişê xo biniminê dimayê weçînitişî reyna hêrişê Kurdan kerd. Îxtîmalo gird o ke ê wazenê 2020 de weçînitişê verwextî virazê.”

Karayilanî qiseykerdişê xo de bale ante mesajê Rayberê Şarê Kurdî Abdullah Ocalanî ser û wina va: “Rayber Apoyî pêvînayîşanê xo yê peyênan de da zanayene ke o semedê çareserîye amade yo. Nê hêrişî vengdayîşê Rayber Apoyî rê cewab o. No ganî wina bêro famkerdene. Înan şer weçîna. Têkoşînê demokrasî û azadîye hem seba Kurdan û hem zî seba hêzanê demokrasî yê Tirkîya kewt dewrêko newe. Nê demê neweyî de reyna têkoşînê gerîlayî beno la tîya de ganî têgêrayîşê şarî zaf vejîyo werte. Bêvengmendiş bêwijdanî û zulmî rê hemkarîye ya. Ganî têkoşîn tena bi Amed, Wan û Mêrdîn bisînor memano. Têkoşîn ganî her ca ra vila bo. Amed de zî hewce nêkeno herkes şiro merkezê bajarî. Xoverdayîş ganî heme bajaranê Kurdîstan û metropolan ra vila bo. Roje roja wayîrê şarefê xo vejîyayîşî ya.”

 ANF / BEHDÎNAN 

Yazarın diğer yazıları

    None Found