Amed de Sifreyê Rîyê Erdî

Rêxistina Bajarê Amedî yê HDPyî bi wesîleya rojeyê Remezanî, waşt ke qezayanê Yenîşehîr, Peyas û Sûrî de Sifreyê Rîyê Erdî ronayî. Cayê ke sifre ame ronayene ra yewe zî Taxa Ferîtkoşku bîye. Parlamentera HDPyî Remzîye Tosune, Hemsereka Şaredarîya Yenîşehîrî Belgîn Dîkene û bi seyan taxijî beşdarê fitarî bîyî. Welatîyan werdo ke keye de amade kerdbî zî ardî sifreyî ser.

Taxa Huzurevlerî de zî sifre ame ronayene û Parlamenter Semra Guzele, Hemsereka HDPyî ya Bajarê Amedî Hulya Alokmene û Hemsereka Şaredarîya Peyasî Kezîban Yilmaze beşdar bîyî. Taxa Melîkahmetî de zî Sifreyê Rîyê Erdî ame ronayene û Parlamenter Salîha Aydenîze û Hemsereka Şaredarîya Sûrî Fîlîz Buluttekîne beşdar bîyî.

HDPyî waşt ke Rezan de Taxa 5 Nîsanî de zî sifre rono, labelê hetê polîsan ra destûr nêdîya. Polîsan bi wesayîtanê zirxinan taxe girewt binê abluqa û dîyar kerdî ke ê destûr nêdanî.

AMED

Yazarın diğer yazıları

    None Found