Armanc tinekirina Kurdan e

Ciwanên ji Başûrê Kurdistanê tevlî berxwedana li Rojava ya li dijî dagirkeriyê bûn bal kişandin ser girîngiya parastina Rojava û destnîşankirin ku parastina Rojava di heman demê de parastina Başûrê Kurdistanê ye.

Şervanên ji Başûr bal kişandin ser armanca qirker a dewleta Tirk û destnîşan kirin, ku armanca dewleta Tirk tinekirina Kurdan û destketiyên Kurdan li her devera Kurdistanê ye.

Şervanên ji Başûr gotin, “Eger em îro destketiyên Kurdan ên li Rojava, Şoreşa Rojava neparêzin, wê sibe ev dewleta Tirk a dagirker êrîşî Kerkûkê, Silêmanî û heta Hewlêrê bike û tevahiya Başûr dagir bike.”

Şervanan destnîşan kirin ku dagirkirina Rojava wê bibe dagirkirina tevahiya Kurdistanê û di serî de hêzên li Başûrê Kurdistanê bang li hêzên Kurdan hemûyan kirin ku li ber dagirkeriyê rabin.

ANF/NAVENDA NÛÇEYAN

Yazarın diğer yazıları

    None Found