Arzu 26 serrî dima tehlîye bi

Firat Arzu yo ke Teşrîna verêna 1993î de amebi tewqîfkerdene û 26 serrî zîndan de mend, 2 rojî verê tehlîye bi. Arzu 22 serrîya xo de kewt zîndan û 48 serrîya xo de tehlîye bi. Arzu 2 rojî verê Zîndanê Mêrdînî ra tehlîye bi.

Avûkatanê Arzuyî bi sebebê ‘heqê mehkemebîyayîşê adilî ameyo îxlal kerdene’ muracatê Mehkemeya Heqanê Merdiman ya Ewropa (MHME) kerdbî û bi qebulbîyayîşê îtîrazê avûkatan ser o Arzu tehlîye bi. Netîceyê qerarê MHME de Arzu do reyna bêro mehkemekerdene.

Arzu tehlîyebîyayîşî ra dima şi keyeyê xo ke qezaya Çinarî ya Amedî de yo. Arzuyî wexto ke zîndan ra vejîya, dîyar kerd ke o nêşêno hîsanê xo îfade bikero û serran ra dima vejîyayîşê teberi hîsêko zaf cîya yo.

 MA / MÊRDÎN 

Yazarın diğer yazıları

    None Found