Awa tarîxî û bereketin: Anzele

Awa Anzele ke merkezê Amedî de semtê Berê Cite (Çîft Kapi) de ya, tarîx ra nata xeylê şaristanîyan rê meymandarî kerda û bîya babeta xeylê efsane, deyîr û hîkayeyan. Nameyo raşt yê Anzele Ayn-i Zelal yanî awa pake ya. Awa Anzele ke Koyê Qerejdaxî ra yena, Çemê Dîcle ser o vila bena. Awa Anzele heta dapancas serrî verê çimeyanê esasî yê bajarî ra yew bîye. Na awe xeylê çimeyanê tarîxîyan mîyan de zî cayê xo girewta. Bi ameyîşê wisar û bitaybetî hamnanî awa Anzele raştê eleqeyêko gird yena. Bitaybetî domanî û keyeyê înan verê xo danî tîya û parqa dormeyê awe de ronîşenî. Emser seba ke aşma Remezanî raştê wisarî ameye, welatîyê ke roje tepişenî, germî ver dormeyê awe de ronîşenî û linganê xo dekenî awe mîyan û paweyê fitarî vindenî. Tayê kesî awa Anzele pîroz vînenî. Na awa tarîxî û bereketin her serre seba domanan bena cayê kêfweşîye. Cok ra domanî ameyîşê wisar û hamnanî pawenî.

FOTOGRAFÎ / XEBERE: EMRAH KELEKÇÎER

Yazarın diğer yazıları

    None Found