Bi kilamanê xo pawitoxîya kulturî kena

Kultur û folklorê kurdan bi seserran hetê cinîyan ra ame neqlkerdene û bi no qeyde ame pawitene. Nînan ra yew zî dengbêje Sebah Recep Rusteme ya. Sebahe dayîka 6 domanan a û domanêko astengdar reyde cuyena.

Sebahe piştî dana efrînijê ke mecbûr mendî hêrişanê dewleta tirkî ver ca û warê xo biteriknî û odeyêkê banê xo dayo keyeyêkê efrînijî. Dayîke Sebahe herême de bi vengê xo yo zîz yena naskerdene.

Sebahe hîna 15 serreyîya xo de merdimanê xo reyde veyveyan de bi cinitişê def û zurna deyîran vana. Sebahe 17 serreyîya xo de yena zewijnayene û dima ra fek vatişê deyîran ra veranêdana. Badê ke Sebahe Têkoşînê Azadîye yê Kurdîstanî nas kena, zanayîşê aye yê welatperwerîye aver şono. Kênaya aye Jîyan Rusteme beşdarê gerîla bena û Rojhelatê Kurdîstanî de şehîd bena. Sebahe kênaya xo ser o deyîran virazena û vana. Dima ra Sebahe heme deyîranê xo seba şehîd û azadîya Kurdîstanî vana.

ANHA / ŞEHBA

Yazarın diğer yazıları

    None Found