Bi se hezaran merdimî koçber bîyî

ERSÎN ÇAKSÛ / ANF/HESEKE

Hêrişanê îşxalî yê Dewleta Tirkan ê vera Vakur û Rojhelatê Sûrîye ra serkewte bi se hezaran kesî neçare mendî ke keyeyê xo biteriknê. Têna 159 hezar 721 kesan koçê şaristanê Heseke û Reqa kerd.

Hêrişanê îşxalî ra serkewte bi se hezaran merdimî warê xo ra bîyî. Bi se hezaran merdimî neçare mendî ke koç bikê û nika şert û mercanê giranan mîyan de yê.

Gore doneyanê Neteweyanê Yewbîyayeyan  rîyê hêrişanê îşxalî yê Dewleta Tirkan ê ke 9ê teşrîna verêne de dest pêkerd Serêkanîye û Girê Sipî de 180 kesî neçare mendî ke koç bikê.

Îdareyê Xoser ê Vakur û Rojhelatê Sûrîye zî pare kerd ke hêrişanê Dewleta Tirkan û cerganê aye de nêzdîyê 300 hezar kesî sere de Girê Sipî û Serêkanîye ra neçar mendî ke herême ra koç bikê.

Konseya Karanê Komelkî ya ke hêrişanê Dewleta Tirkan ra dima dest pê karî kerd vat: “Karê hûmaritişî dewam keno la gore hûmara ke heta nika ameye tesbîtkerdene têna 159 hezar 721 kesan koçê şaristanê Heseke û Reqayî kerd.”

Dewa Til Nisrî ya Til Temirî de 6 keyeyan hêrişanê îşxalî ver koç kerd û neçare mendî ke keyeyêkê bêber û bêpace de bimanî. Înan ra Sîlva Mehmud Mislim vat: “Tirkan keyeyê ma îşxal kerd. Ma wazenê wa Tirkî keye û şaristanê ma ra bivejîyê.”

Evîne Mistefa Bozan vat: “Heta ke çete û Tirkî tîya de bibê ma senî eşkenê abigêrê? YPGyî ra ber ma kesêkî ra bawer nêkenê. Ma wazenê abigêrê keyeyê xo.”

Cinîya Erebe Meryeme Elî vat: “Cerga ke xo  ra vana ‘Artêşa Sûrîya Azade’ ameye û bi zorî ma keyeyê ma ra vetî. Nika tîya de ma hewcedarê hetkarî yê. Ma wazenê abigêrê keye û cuya xo ya verêne.”

Yazarın diğer yazıları

    None Found