Bi yekîtiyê li dijî dagirkeriyê

Hunermendê Kurd Nasir Rezazî têkildarî êrîşên dagirkeriyê yên Dewleta Tirk li ser xaka Başûrê Kurdistanê helwesta xwe nîşan da û got; Em dikarin bi yekgirtinê li dijî dagirkeriya dewleta Tirk bisekinin.

Roj bi roj li dijî dagirkeriya dewleta Tirk a li ser xaka Başûrê Kurdistanê nerazîbûn zêde dibin. Hunermendê Kurd Nasir Rezazî jî têkildarî êrîşên dewleta Tirk ên li ser xaka Başûrê Kurdistanê axivî û êrîşên dewleta Tirk weke êrişên hovane bi nav kir.

Kurd wê dest ji doza xwe bernedin

Hunermend Nasir Rezazî got; “Ez bi vê rewşa niha heyî gelek xemgînim û ez van êrîşan şermezar dikim. Ev rewş ji ber bê xemiya me ya li hemberî van dagirkeran e, em ne yekgirtîne.”

Di dewama axaftina xwe de Rezazî got, pêwîst e ku hizbên Başûrê Kurdistanê li dijî dagirkeriyê xwedî yek deng û yek helwesetê bin. Ger ev dubendiya di nava hizbên Kurdistanî de bi dawî bibe, em ê rastî karasatên mezin neyên. Ger em bi hev re xebat nekin jî, divê em dijbertiya hevdu nekin. Ji ber ku ev ne cara yekeme li dijî hevalên PKK’ê û xelkê bê tawan van êrîşan dikin. Ev demeke dirêje ew xebatê ji bo parastina netewa Kurd dikin. Li beramber vê jî gelek salin dewleta Tirk a dagirker li wan dixe. Divê dijmin bizanin xeyalên wan wê pûç bin. Herwiha tevî hemû zehmetî û astengiyan jî wê Kurd dest ji doza xwe bernedin.”

Bi yekgirtinê li dijî dagirkeriyê

Herî dawî jî hunermend Nasir Rezazî got; “Pêwîste hizbên Kurdî berjewendiyên hizbayetî nexin pêş berjewendiyên neteweyî. Divê berjewendiyên gelê Kurd bixin pêş ji bo bikarin bi yekgirtinê li beramberî dagirkerên Kurdistanê bisekinin.”

NAVENDA NÛÇEYAN

Yazarın diğer yazıları

    None Found