Çewlîg de domanî peygoşîye ver jehrî kewtî

2 rojî verê dibistanêkê beldeyê Xoşkarî yê Çewlîgî de bi desan wendekarî ciwa ver jehrî kewtbî û neqlê nêweşxaneyan bîbî. Tedawîya 47 wendekaran û 5 mamostayan û xebatkarêkê dibistane hema zî dewam kena. Domananê ke pê jehrî kewtî ra 7 kesî Nêweşxaneyê Dewlete yê Xarpêtî de beşê lezkanî de yê.

Wendekaran rê kemoterapî ameye kerdene û tehlukeyê cuya înan dewam keno. Keyeyanê nê domanan bale ante serê peygoşîye, labelê nika tedawîkerdişê domanan ra ber nêeşkenê çîyêko bîn de eleqadar bê û biqesawet ê ke meseleyo mende yê weşîye bêro meydan.

Parlamentera HDPyî ya Amedî Semra Guzele jehrkewtişê domananê Çewlîgî ser o ajansê ANF ra Denîz ÎKE rê qisey kerde. Guzele dîyar kerde ke derheqê babete de tehqîqat nêameyo destpêkerdene û eşkerayo ke dewlete wazena serê ci bigîro. Guzele derheqê vîst vîrî ke kontolê ke ganî bi hewayêkê nîzamin hetê Wezaretê Weşîye ra biameyêne kerdene, nêameyî kerdene va ‘no hedîse rîyê peygoşîye û bêtedbîrîye ra qewimîya’.

Ganî îzehet bidîyo

Guzele dewamê qiseykerdişê xo de wina va: “Madeyêka winasî reyde kontrolê mamostayan ra ver ganî domanî nêeşkê îmtîhanan de bixebitnê û ganî a mintiqa bêra kontrolkerdene. Derheqê babete de tehqîqatêk nêameyo destpêkerdene û kesêk zî nêameyo tepiştene. Polîtîkaya dewlete ya cezanêdayîşê sucdaran vila bîya heme cayan. Rewşêka winasî de ganî selahîyetdarî reya verêne derheqê hedîse de îzehetêk bidê, labelê nika hewl danê babete biniminê. Dima ke babete rojnameyan de ameye weşanene Walîtîye dimayê çar-panc rojan derheqê babete de qisey kerd. Eke wina nêbîyêne, tew qisey nêkerdêne. Şima kamî xapînenê? Êyê ke pê jehrî kewtî domanê ma yê. Şima neçar ê ke îzehetêk bide.”

ÇEWLÎG

Yazarın diğer yazıları

    None Found