Çewlîg de şarî îqtîdar protesto kerd

Hetkarê Serekê Pêroyî yê AKPyî Cevdet Yilmaz, Çewlîg de hetê hemwelatîyanê Taxa Kulturî ra ame protestokerden. Taxa Kulturî ya Çewlîgî de, 15ê Teşrîna Verêne ya 2018î de çarçewaya projeyê Vurnayîş û Averşîyayîşê Şaristanî de keyeyê hemwelatîyan ameybî raşanayene û merasîmê eştişê bingeyî amebi viraştene.

Parlementerê AKPyî yê Çewlîgî û hetkarê Serekê Pêroyî yê AKPyî Cevdet Yilmaz û parlementerê AKPyî yê Çewlîgî Feyzî Berdîbekî seba ke problemî rê çareserî bivînê kombîyayîş viraşt. Kombîyayîş de pêşnîyar ame kerdene ke qismêk pere bidîyo ê keyeyanê ke keyeyê înan ameyê raşanayene û nêameyê awankerdene. Labelê wayîranê heqî no pêşnîyar qebul nêkerd û vera parlementeranê AKPyî yê ke tewrê kombîyayîşî bîyî de reaksîyon nîşan da. Çalakgêran silogananê ‘Şima weçînitişan de ma xapênayî’, ‘Ma keyeyê xo yê verênî de roniştêne, kamî şima ra keyeyo newe waşt?’ û sewbîna eştî. Dima ra wezîr Yilmaz û parlementero AKPyij Berdîbek cayê kombîyayîşî ca verda .

MA / ÇEWLÎG 

Yazarın diğer yazıları

    None Found