Cezaya muebedî dîyaye 4 kesan

Qezaya Nisêbînî ya Mêrdînî de wextê qedexeyê tebervejîyayîşan de, 17ê ci domanî pêro pîya 70 kesî 26ê Gulana 2016 de ameyî tewqîfkerdene. Doza Nisêbînî de Omer Karataş, Ozgur Sevîm, Îlyas Dogan û Zehra Kayaalpe ameye mehkemekerdene û ceza dîyaye nê 4 kesan.

Omer Karataşî mehkeme de dîyar kerd o seba ke hetkarîya şaro ke wazeno bibo wayîrê modelê xoserîya demokratîke bikero şîyo Nisêbîn û û wina dewam kerd: “Ganî xoîdarekerdişê şarî rê hurmet bêro nîşandayene. Mehkeme bi îdîaya ke “Zirar dayo sîstemê dewlete’ cezaya muebedî, ‘teşebusê kiştişê merdiman’ 15 serrî û ‘zirar dayo malê raya pêroyî’ 3 serrî cezaya zîndanî daye Kartaşî. Mehkeme de eynî ceza dîyaye Îlyas Dogan û Zehra Kayaalpe zî.

Dima ra Ozgur Sevîm vejîya hakimî ver û Sevîmî pawitişê xo de va ‘hewl yeno dayene ke rûmetê şarêkî nêro hesibnayene, la şar zî vera nînan de xover dano’ û wina dewam kerd: “Ewro qala PKKyî yena kerdene. Gelo wextê Şêx Seîdî de PKK estbi? Wextê Dêrsim û Qoçgirî de PKK estbi? Ez şer nêwazena labelê labelê dewlete hertim şerî ma ser o ferz kerd. Dewlete qet xo nizdîyê çareserîya demokratîke nêkerd. Cezaya ke şima danê mi xemê mi de nîyo.”

Cezayê giranî ameyî dayene

Netîce de mehkeme cezaya muebedî û 25 serrî ceza daye Sevîmî. Seke yeno zanayene doza Nisêbînî de Yasemîn Erkole 10 serrî, Hêja Algan, Emre Topçuoglu, Baran Eman, Çeçen Kîlkaya, Dîlan Aslane yê ke wextê hedîseyan de 18 serrî ra qijêr bîyî zî 35 serrî cezaya zîndanî dîyaye înan. Osman Bozkurt, Hamît Acar û Akar Îkbal rê zî cezaya muebedî ya girankerde û 15 serrî ceza ameye dayene.

 ANF / MÊRDÎN

Yazarın diğer yazıları

    None Found