Cinîyî cemxane bêwayîr nêverdanî

Cinîyê elewîyî seba ke Cemxane û Komela Kulturê Elewîyan ya Îzmîrî ke qezaya Yamanlarî ya Îzmîrî de ya bêwayîr nêmano, her roja sêşeme yenî têhet û kombîyayîş virazenî. Cinîyî dîyar kenî ke ê seba ke cemxaneyê xo bêwayîr nêverdî, wina kenî.

Cinîyê ke bajaranê Erzîrom, Gurgum, Çewlîg, Sêwaz, Amasya û sewbîna cayan ra koçê Îzmîrî kerdî, her hewte roja sêşeme kom benî. Cinîyî danî zanayene ke ê wexto ke yenî têhet, rojeva welatî, ekonomî û bawerîya elewîtîye ser o munaqeşeyan kenî. Cinîyî nê kombîyayîşan de ge-ge kitab û şîîran wanenî, ge-gane zî seba ameyoxê cemxaneyî planan virazenî. Reyna cemxane de burs zî dîyeno wendekaran.

PÎRHA / ÎZMÎR

Yazarın diğer yazıları

    None Found