Cinîyî do seba çareserîye bêrê têhet 

AXÎN TOLHILDAN / ANF / QAMIŞLO

Vervatoxa Kongreya Starî Evîn Siwêde derheqê amadekarîyanê kongre de qisey kerde. Siwêde daye zanayene ke înan partîyanê sîyasî, meclîsê herêmanê ke ameyê xelisnayene, cinîyanê Armenî, Tirkmen, Asûrî, Çeçen, Suryanî, Kurd û Ereban reyde munaqeşeyî kerdê û arde vîrî ke mîyanê şerê 7 serran ê Sûrîye de tewr zêde şîdet bi cinîyan ameyo kerdene.

Siwêde dîyar kerde ke şerê 7 serran yê Sûrîye de bitaybetî cinîyî bîyî hedefê şîdetî û wina domnaye: “Cinîyî ameyî koçkerdene, dejê tewr giranê cinîyan dayîkan antî. Rixmê naye zî nêmeyê xebatî hetê cinîyan ra ame rayraberdene. Na rastîye zî mojnena ke cinîyî hêzê serkêşî yê. Nika zî seba pawitişê destkewtîyan ganî mîyanê cinîyan de yewîyîya hempare biba. Na çerçawa de munaqeşeyê ma yê cinîyanê herême reyde dewam kenê.”

Siwêde va ‘ma kombîyayîşê xo yê destpêkî yo hempar 13ê Adare de viraşto’ û wina domnaye: “Dezgehanê cinîyan ra yewo ke tewrê ci bibi Kongreya Starî bîye. Ma waşt ke no proje tena projeyê Kongreya Starî nêbo û her kes xo nê projeyî ra berpirsîyar bivîno. Kombîyayîşê destpêkî de nameyê nê têhetameyîşî ame panayene û nameyê Meclîsê Cinîyanê Vakur-Rojhelatê Sûrîye ame dîyarkerdene. Komîteyêka amadekarîya ke 9 kesan ra yena pê, ameye awankerdene. Kongreya Starî tewrê komîte bîye. Heqê delegeyan esto ke seba nê koordînasyonî bêrê weçînayene. Koordînasyon 17 kesan yeno pê. Meclîs do xebatê xo bê mabên bikero, goreyê waştişanê cinîyan mîyanê partî û sazgehan de têgêrayîş bikero û nê waştişan pêşkeşê meclîsî bikero.”

Yazarın diğer yazıları

    None Found