Cinîyî seba pawitişî perwerde vînenî

ŞÎNDA EKREM / ANHA / QAMIŞLO

Hêzê Pawitişê Komelkî-Cinîye (HPC-Cinîye) pawitişê şarê Vakur û Rojhelatê Sûrîye de rolêko gird kay keno. Roja ke HPC Cinîye ameya awankerdene ra nata, bi YPG, YPJ û Hêzê Asayîşî reyde cepheyê tewr vernîyan de xover da. HPC-Cinîye ke her taxe xo rêxistine kerda, 24 saetî şarî pawena.

Rojawan de 2015 ra nata sere de weşîye, perwerde, ekonomî û ewleyîye û xeylê hetanê bînan de komîteyî ameyî awankerdene. Nê komîteyan ra yewe zî komîteya pawitişî ya. Komîteyê pawitişî mîyan de 4 kesan ra heta 15 kesî ca gênî. Cinîyê ke bin banê Hêzê Pawitişê Komelkî de xo rêxistine kerdbî, 2ê Tebaxa 2016î de bi nameyê HPC-Cinîye de tabûrî awan kerdî.

HPC-Cinîye heta nika perwerdeyê pawitişê cewherî û bikarardişê sîlehî dayo 18 Hezar 692 cinîyan û perwerdeyê îdeolojîkî zî dayo hezar û 219 cinîyan. Endamê HPC-Cinîye heme taxanê Vakur û Rojhelatê Sûrîye de nobete tepişenî û vera çeteyan de şer kenî.

Yazarın diğer yazıları

    None Found