Citkaran 20 serrî ra pey dest bi karitişî kerd

ÎBRAHÎM ÊZIDÎ / ROJNEWS / ŞENGAL

Emser seba ke pêroyîya Kurdîstanî de varayîş zêde bi, teneyî zaf zirar dîyî. Varayîşo zêde eynî wextî de tayê cayan de bi sebeb ke çimeyê ke ziwa bîbî, newe ra ganî bibî. Nê çimeyan ra tayê ci zî Koyê Şengalî de yî. Çimeyê ke newe ra ganî bîyî ver dewijî zaf kêfweş î.

Dewa Kersê ya Koyê Şengalî de citkaran 20 serrî ra dima dest bi karitişî kerd. Citkar Merwan Şengalîyî va ‘seba ke verê cu awe çinêbî, citkaran nêşênayêne karitiş bikerî’ û wina domna: “Saya varayîşan de awa ma bîya zêde. Çimeyê awe pirr bîyî û ma dest bi karitişî kerd. Ma wazenî her hetê dewa xo de karitiş bikerî. Eke wina bibo, ma muhtacê ti kesî nêbenî. Ma nika xîyar, firingî, bamî û sewbîna xeylê sewzeyî karitî. Ma do hem lazimîya xo pê bîyarî û hem zî biroşî.”

Yazarın diğer yazıları

    None Found