DAÎŞî çimeyê ekonomîye talan kerdî

Forûmê DAÎŞî yê qezaya Amûdê ya Qamişlo hetê Merkezê Cigêrayîşanê Stratejîkan ê Rojawanî (NRLS) ra ame organîzekerdene. Forûmî roja Şemeyî dest pêkerd û roja dîyine de zî xeylî semînerî ameyî pêşkêşkerdene.

Roniştişê 3. de babetê sey Çimeyê ekonomîya DAÎŞî, paştdayîşê herême yê rasterastî û nêrasterastî yê seba DAÎŞî, kerdişê êyê sey talankerdiş, dizdî, herînayîş û rotişê merdim û eseran ameyî qiseykerdene.

Roniştişê 3. de mamosteyê ekonomî yê Unîversîteya Qurtuba ya xusûsîye û yo ke Unîversîteya Şamî de derheqê ekonomîya enerjî û petrolî de master kerdo Dr. Mihemed Şewqî, mamosteyê ekonomî yê Unîversîteya Heleb û Mamûnî û sereko verên ê Unîversîteya Efrînî Ehmed Yusif, mamosteyê ekonomî yê Unîversîteya Mûsilî, nuştox û cigêrayoxê wareyê ekonomî Haşim Zîbarî û cigêrayoxê ekonomî, rojnameger û şêwirmendê Yewîya Kedkaranê Kurdan ê Ewropa (AKKE) Ahmed Pelda û şêwirmendo verên ê Konfederasyonê Sendîkaya Kedkaran a Tirkîya (KESK) semîner pêşkêş kerd.

Înan Rojhelato Mîyanên sey merkezî weçînito

Forûm de Ehmed Yusifî bale ante piştîdayîşê herême yê seba DAÎŞî ser. Yusifî dîyar kerd ke eserê tarîxîyî yê ke kewtê destê DAÎŞî zî yew çimeyê ekonomîye yê pîl ê û wina va: “Organîzasyonê sey El-Qaîde, Boko Haram, Cebhet el-Nûsra û DAÎŞî mengane 801 mîlyar dolarê Amerîkanî fînenê dest. Ê teroran Rojhelato Mîyanên xo rê sey merkezî weçînito. Gama DAÎŞî herêmê Sûrîye û Îraqî girewtbî binê kontrolê xo, butçeya ci resabî 2 trîlyon dolarê Amerîkanî. Qezenco serrane yê DAÎŞî resabi 3 mîlyar dolarê Amerîkanî. DAÎŞî talankerdişê bankayan ra 435 mîlyar dolarê Amerîkanî û 500 mîlyon dolarê Amerîkanî zî eseranê tarîxîyan ra qezenc kerd.”

Semîneran ra dima beşdaran vînayîşê xo pare kerdî û bale ancîyaye rolê YPJyî yê xelesnayîşê cinîyan ê destê çeteyanê DAÎŞî ra ser.

ANF / AMÛDÊ

Yazarın diğer yazıları

    None Found