DAIŞ û lejker pîya talan kenî

Nika nê çeteyan di ser sînorî de destpê dizdeye kerdî û na dizdeye zî di verê lejkerê tirk de kenî. Verba hêrişê çeteyê DAIŞî Mîhemed Derwêş waşt bi heywanî xo dewa Şêran a Kobanê ra bivîyaro Pirsûse, di ra zî vîyart Pirsûse la belê lejkerê tirk di ra zî ê tepa eşrawitî, no ser zî nêçare Derwêş heywanê xo DAIŞ ra verada û vîyart Kobanê.

Bi panzer hêrîş kerdî 

Babete ser Mîhemed Derwêş dîyar kerd ke hetanê nika her tim înan ra lejkerê tirk hêriş kerdî û wina vat: “Seba ke çeteyê DAIŞî Kobanêyê rojhîlatî ra hêriş kerdî, ma dewa Şêran ra xeta sînorî amey. Domananê min Pirsûse vîyartî la destûr nêday ke ma heywanî xo sînorî ra bivîyarî. Her ray min heywanan sînor ra vîyart. Yew roj min heywanan vîyart la lejkerê tirk ser min bi panzeran hêriş kerdî û 6 heywanê min gird zî kiştî û hewna peynî min tepa sînorê eşrawitî. No qewimyayişî ser ez di dewe xo ra şîya û bermaya, çimkî di dewe de çew çinibî. Boxeyê min rîyê mayinê birîndar bi û lingê ey ame birnayiş. Min nêçare no boxeyê xo lejkeran ra rota la bi rojana ke destûr nêdanî ke ez bivîyara Pirsûse.”

Lejkeran da DAIŞ’Î

Derwêş aşkera kerd ke nêçare ey, rîyê çeteyan Pirsûse ameyo û wina vat: “Yew roj çeteyê DAIŞî ser sînorê amey û min ra vatê; ti qey noca de yê. Yew çete waşt min reyde, tirkî qal bikero, min zî vat ez tirkî nêzana. Sere min gêray û peynî min ra vatî; heywanan ra fek vera bidî û şo. Êdî min zî fam kerd ke sînorê terk bikero. Çi heyfo ke heywanî min di noca de mendî. Dewleta tirk bi hîşyarê heywanî min teslîmê çeteyê DAIŞî kerd. Makîneyê min sondajî zî di noca de mend. Ez zaf xemgîna ke heywanê min destê DAIŞî de ya.”

DÎHA/RIHA

Yazarın diğer yazıları

    None Found