Dariznayiş sifteyinî ra dijê huquqî bî

FERHAT ÇELÎK / MA/STENBOL

Komploya Mîyanêneteweyîya 15ê Sibate ser 22 serrî vîyartî, no dem ra nika Ocalan Hepixaneyê Îmralî de yeno girewtiş. Avûkat Ercan Kanar hetanî nika 13 ray Ocalan reyde pêvînayiş kerdo û avûkatîya ey zî kerdo, komplo ser o şîroveyê xo ard ziwan.

Verin avûkatê Ocalanî Ercan Kanar vat ke sifte dariznayiş Enqere de ame kerdiş, armancê înan dariznayiş bi fekîkerdi bî, na rewş Efrîkaya Vaşûrî de şerwanê xelisnayişî ra ameybî kerdiş û wina vat: “Girawa Îmralî mintiqaya Marmarayî de bî la dariznayiş Enqere de ameynî kerdiş, ma vat dewa wa Amed de bêro dîyîş, çimkî îdiayê înan Amed de ameybî cuyayiş. Heyetê Mahkemeye, tersî ra rema, çimkî malbatê şehîdî seba provokasyonî hêriş ma kerdinê. Peynîya mahkemeye polîsan taybetî ma taxe ke MHPijan ronişenî ra veradayî û peynî zî ma kutî.”

Verin avûkatê Ocalanî Kanar dîyar kerd ke Ocalan ey ra vato ke şo Roma de dariznayişê min bişopnî û wina domna: “Roma de min roniştişê îltîca ra beşdar bî, peynî Ocalan vengê ma da, vat ke Yargitay de pawitişê min bike. Ocalan Yargitay de pawitişêko zaf bi derg kerdbî. Ocalan pawitişê xo de vat ke şima min îdam kenî wa bikê. Eke Ahmet Taner Kişlali nêameynî qetilkerdiş do rojnameyan de pawitişê Ocalanî bivejyaynê.”

Vera qerarê AÎHMî ‘Qanûnê Ocalanî’

Kanar aşkera kerd ke hewna şîyo Ewropa û uca de zî AÎHM qerarê îxlalî dayo û wina qedîna: “Tirkîya seba ke Ocalan hewna nîro dariznayiş bedilnayişê qanûnî kerd. Ma zananî ke seba kesêk qanûnî nînê bedilnayiş. Bi serrî ke Ocalan ser o tecrîd şuxilnenê la armancê xo ra nêresayî.”

Yazarın diğer yazıları

    None Found