Derheqê rojnamegeran de tehqîqat abi

AYDIN ATAY / MA / AMED

Derheqê Wayîrê Îmtîyazî, Mûdirî Karê Nuşteyan û xebatkaranê Rojnameyê Azadîya Welatî ke bi Qerarnameyê Hukmê Qanûnî de ame padayene de tehqîqat dîya destpêkerdene. Ame musayene ke Mûdirê Karê Nuşteyan yê rojnameyê Rohat Aktaşo ke cêrzemînanê Cizîrî de hetê hêzê dewlete ra ame qetilkerdene zî mîyanê kesê ke înan rê tehqîqat abîyo de esto.

Tehqîqat bi îdîaya ‘propogandaya rêxistine kerdene’ û ‘endamê rêxistine bîyayene’ ra abîyo. Heta nika îfadeyê 6 rojnameger û 3 xebatkaranê kehenan girîyayo. Kesê ke tehqîqat înan rê abîyo nê yî: “Wayîrê Îmtîyazî Ramazan Olçen, Mûdirê Karê Nuşteyan Îsmaîl Çoban û rojnamegerî Bişar Durgut, Emrah Kelekçîer, Mehmet Çetîn Altûn, Melek Bozan, Rojhat Bîlmez, Zafer Tuzun, Zeynel Abîdîn Bulut. Xebatkaranê rojnameyî ra Elfesîye Baran, Ferît Koyluoglu, Metîn Gul, Yildirim Temel, Hamza Bîçer, Cîhan Îpek, Haci Yusuf Topaloglu, Serdar Kale, Ozkan Ozbayhan, Seydoş Dayan, Welat Yalçin, Welat Oztekîn, Mehmet Emîn Kaya, Sadik Araz, Harun Aydin, Mehmet Şah Aydemîr û Mehme Selîm Çalişan.   

Avûkatanê rojnamegeran ra Resul Tamurî da zanayene ke polîsan tira vato ê kişîyayîşê Rohat Aktaşî ra xebera înan esta û va ‘Verê cu dosyayê ke derheqê Aktaşî de abîbî, yew a yew betal bîbî’.

Yazarın diğer yazıları

    None Found