Dersim koçkerdişî rê vano ‘Nê’

Yê ke derheqê referandûmî de qisey kerdî ra hetêk zî cinîyê Dêrsimî yî. Cinîyan bale antî polîtîkayanê koçkerdişî yê dewlete ke serra 1938 ra nata înan ser de yena meşnayîş ser.Babete ser o cînîyan ra Omur Narîne û Wekîla Hemserekîye ya DBPyî Gulcîhan Şîmşeke qisey kerdî.

Cinîyan ra Omur Narîne derbeya 12ê êlule ra dima şona Erzingan û dima ra zî şona Anqara de bica bena. Narîne va ‘zafaneyê dêrsimijan bajarê ke aydê înan nîyî de mîyanê sewbîna kultirî de cuyenî’ û wina dewam kerde: “Wexto ke ez 15 serran ra ver ameybîya, mi nêşêna bikewa dewa xo; çimkî dewlete heme çîyê ma eştbîye teber. Wexto ke ê rojî yenî mi vîr, ez zaf qehirîyena. Qasê merdiman kultirê înan ra qerfnayîşî, çîyêko bîn yo xirab esto? Asîmîlasyonêko gird esto, hende serrî derbaz bîyî zî merdimî nêşênî nasnameyê xo bi hawayo aşkere îfade bikerî.”

Tewr zaf cinîyî vanî ‘Nê’

Wekîla Hemserekîye ya DBPyî Şîmşeke zî va ‘ma şarî ra destegêko gird gênî’ û wina domnaye: “Qanûno bingeyî yo newe de ca nêdîyeno cinîyan û no zî sebebo tewr gird yê vatişê nê yo. Nê prosesî de hîna zaf cinîyî wazenî çareserî bibo. Labelê ma vînenî ke zîhnîyet û polîtîkayê camêrdî wazenî cinîye keye de hepis bikerî. Cok ra ma do vajî nê.” 

 ŞÛJIN/DERSIM

Yazarın diğer yazıları

    None Found