Dewlete rijnena, domanî virazenî

Qezaya Sûrî ya Amedî de peynîya aşma teşrîna peyêna 2016î de qedexeyê tebervejîyayîşî dîyabi destpêkerdene û hetê dewlete ra bi tanq, top û sîlehanê girananê bînan qezaya tarîxî temamî amebî xirabekerdene.

Taxê Alîpaşa û Lalebeyî ke tede qet şer nêqewimîyabî zî para xo hêrişan ra girewtî û qismêko gird yê taxa Alîpaşa ame rijnayene. Tayê cayanê taxe de awanîyê ke qet eleqeyê xo tarîxê qeza reyde çin o, ameyî viraştene.

Rijîyayîş heta keyeyê domanê ke fotograf de asenî (heta Berê Mêrdînî) ameyo. Domanî mîyanê xirbeyanê bananê cîranan de kay kenî û bi xeyalanê xo cuyenî. Domanî kayanê xo de eksê rijnayîşan de viraştişî esas gênî. Domanî cîcikanê (kayker) parçebîyayan pêsernanî û ban, bexçe, mekteb û sewbîna çîyan virazenî. Domanan ra yewe wexto ke makîneya fotografî vînena, nîşaneyê serkewtişî kena û huyena. Domana bîne zî seba ke şerm kena sandalîyê xo verapey ronena û peya xo dana mi, labelê ge-ge bi hawayo nimitkî makîne ra ewnîyena. Domana bîne zî dendikan wina û seke qet çîyêk nêbîyo, hereket kena. Domanî kayanê xo de zî nîşan danî ke ê şer, rijnayîş û sewbîna nê viraştişî esas gênî.

AMED

Yazarın diğer yazıları

    None Found