Dewlete şîddet meşrû kena

ZEYNEP KÛRAY / ANF / STENBOL

Hemsereka Komeleya Heqanê Merdiman Eren Keskîne derheqê îşkneceyo ke welat de her ke şino zêdîyeno de qisey kerde. Keskîne da zanayene ke hukmatê AKPyî bi dewleta xorîye pêkerda û polîtîkayê hêrişkarî yê serranê 1990î  peyser ardî.

Keskîne va ‘no sîstem tena bi xoverdayîş yeno rijnayene’ û wina domnaye: “Sey weçînitişê Stenbolî eke vera nêheqîyê û binpaykerdişê heqan de veng bibo berz, no sîtemo hêrişkar rijîyeno. Şîddet bi destê dewlete yeno meşrûkerdene.”

Keskîne bale ante zêdebîyayîşê îşkenceyî ser û wina va: “Dîmenê îşkenceyî, îşkenceyê ke gerîlayê ke kewenê dest înan rê benê, medyaya sosyale de bi destê dewlete yenê vilakerdene. Tay hetî zî binê nê dîmenanê îşkenceyî de fîkrê xo nusenê û îşkenceyî tesdîq kenê. Bi nê dîmenan şaran yewbînan ra fînenî dûrî û tersnenê. Seba ke şîddet wina yeno meşrûkerdene, vernîya ci abeno, şîddet zêdîyeno. Îşkenceyo biceyran o ke xeylî wexto ke nêameyêne eşnawitene zî Xelfetî de reyna kewt rojeve. Ma eşnawite ke nezaret de bitaybetî zî cinîyan rê îşkenceyê biceyranî ameyo kerdene.”

Weçînayîşê Stenbolî herkesî rê

bi omid

Keskîne qiseykerdişê xo de qala îttîfaqo ke weçînayîşê Stenbolî de virazîya kerde û wina qedênaye: “Xora Mehmet Agar semedê Wezîrê Karanê Zereyî Suleyman Soylûyî vatbi ke ‘O lajê min o, mi ci weye kerd’. Goreyê naye zî îşkenceyê ewro û demê Agarî sey yewbînî yê. La seba dewlete îşkencekerdiş sey serranê 90î rehet nîyo. Ewro bi medyaya sosyale xeberî vila benê. Ê nêeşkenê sey verî biniminê. Xora heta bînî ra zî vera nêheqîyan de nika vengo berz vejîyeno. Weçînayîşê Stenbolî de heme hetî bîyî yew û vera îtîfaqo faşîst de sere wedarna. No semedê şaran bi omidêko gird û ez bawer kena ke do dewamê ci bêro.”

Yazarın diğer yazıları

    None Found