Di ruhê fedayîyî:Tirêj û Azîme

TEKOŞÎN AXÎN / ANF/BEHDÎNAN

Fermandaranê gerîlayan ra Tîrêj Amed û gerîlaya YJA-Starî Azîme Amed ê ke di way û birayî yê, rayîrşîyayîşê tewr manadar ê têkoşînê azadîye sey ‘Vînayîşê Roştîya Cuye’ danê şinasnayene.

Fermandarê gerîlayan Tîrêj Amedî Zapî ra heta Zagrosî, Kobanê ra heta Botanî; gerîlaya YJA-Starî Azîme zî Amedî ra ver bi Dêrsimî rayîrşîyayîşê xo yê azadîye bi kedêka pîle dewam kenê. Her di çêrê Kurdîstanî serra 2008î de seba estareyanê azadîye bîyî rayber û şehîd bîyî.

Tîrêj Amed (Abdurrahman Saltan) serra 1985î de waya ey a ciwane Azîme Çinar (Fatîme Saltan) zî serra 1994î de Qezaya Çinarî ya Amedî de ameyî dinya. Mîyanê keyeyêkê welatperwerî de bîyî pîl. Her tim xîret kerd ke biresê cewabanê rastikên ê cuye. Rayîrşîyayîşê înan ver bi koyanê Kurdîstanî seba Tevgêrayîşê Azadîye dest pêkerd.

Gerîla Azîme zî sey Fermandar Tîrêj Amedî seba azadîya şarê xo verê xo da koyanê Kurdîstanî. Rayîrê azadîye her di waye û birayî heman rayîrî de resnayî yewbînan. Cûdî û Dêrsim cuya her di gerîlayanê nêmergan her gamêke de xo ser o neqş kenê.

Gerîla cewabê rast ê cuye yo

Fermnadarê gerîlayan Tîrêj Amedî koyanê Kurdîstanî ra venga şarê xo da û têkoşîn û cuya xo ser o vat: “Verê cû naskerdişêko zerrîzîz estbi la bi têkoşînê azadîye mi de pêhesîyayîş aver şîyo. PKK resayîşê cuya tewr pake yo. Coka rastîye mabênê ey de ya. Cuye û têkoşînê azadîye sey awa zelale qet herimîyayîş qebûl nêkenê. Cuya PKKyî coş û moral a, vera dişmenan hêrsê qesasî awan kena. Gerîla cewabê rast ê cuye yo. Gerîlayî bi dewaya Serek Apoyî cuya tewr zelale ciwîyenê, coka ma cuya felsefe û fikranê Serekî yê. Gerîlayîya PKKyî îradeyê şarê xo zerrîya xo de weyî kenê. Seba naye ma sey gerîlayanê Rayber Apoyî teqez do ser bikewê.”

Ma do heyfê embazanê xo bigêrê

Gerîlaya YJA-Starî Azîme zî waranê Elîşêr û Zerîfeyan de bi şexsê xo yê fedayîye heman serre de serra 2018î de şehîd bîye û resaye esterayanê azadîye. Her di waye û birayî kerwanê şehîdanê azadîya Kurdîstanî de do biresê yewbînan. Wexto ke embazê înan behsê cuya înan kenê vanê: “Rayîrşîyayîşê ma rayîrşîyayîşê qesasî yo. Ma do heyfê embazanê xo bigêrê. Armancê înan caardişê xeta Serekîye û serkewtişê azadîye bi. Ê rayberê gerîlayan bîyî.”

Yazarın diğer yazıları

    None Found