Dîlok de wextê huşkkerdişî yo

Bajarê Dîlokî ke hetê gastronomî de tewrê Rêxistina Perwerde, Ilm û Kulturî yê Milletê Yewbîyayeyî bîyo de nika wextê huşkkerdişê sewzeyan o. Hêgayanê vengan de textikan ra îskeleyî yenî viraştene û sewzeyê sey îsot, balcan, kûy, ecûr û sewbîna ke bêrî huşkkerdene, yenî aliqnayene.

Bi nameyê Gîzem Karabaşa ke bi keyeyê xo karê huşkkerdişî kena, daye zanayene ke ê hem pey debara xo kenî û hem zî kulturê huşkkerdişî domnenî. Karabaşe dîyar kerde ke aye şenikîya xo ra yo ke nê karî kena û hamnanan no kar de xebetîyena. Karabaşe wina domnaye: “Ma serê sibayî saete 7.00 de dest pêkenî û heta şan saete 18.00 xebetîyenî. Karê ma zaf zehmetin o, labelê ma mecbûr î. Ez û dayîka xo ma îsotan aliqnenî, pîyê mi zî sûke de roşeno. Ma karê xo ra zaf hes kenî. Goreyê par emser tîje tay a, cok ra îsotî erey huşk benî. Her serre îsot hewteyêk de huşk beno, labelê emser 15 rojan de beno. Sewzeyê huşkkbîyayeyî bi temamî tebîî yî û wexto ke bi desten bêrî viraştene, tehmê înan hîna weş beno. Tehmê germîya tîje, sewzeyan de yeno pêser.”

Karkeran ra Meryem Ozturkmene zî wina va: “Ma sewzeyê ke dîyenî ma, vilayê cinîyanê taxan kenî. Cinîyî bi pereyê xo la sewzeyan ra kenî û ma zî înan aliqnenî. Seba ke tîje de nêveşî, sereyê înan yeno padayene. Wexto ke benî temam, ma îskele ra anî war û dekenî paketan mîyan. Karê ma zaf zehmetin nîyo, labelê ma zaf lingan ser o manenî. Ma ge-ge mîyanê xo de musabeqayan virazenî, kam ke hîna zaf bialiqno, o qezenç keno.”

 MA/DÎLOK

Yazarın diğer yazıları

    None Found