Dinya de 600 tewirê nebatan vînî bî

Goreyê cigêrayîşê hemparî yê Bexçeyê Qralîyetê Kewî yê Îngilistanî û Unîversîteya Stockholmî ya Swîsre, mîyanê 250 serran de 571 tewirê nebatan vînî bîyî. Netîceyê cigêrayîşan de raporêk ameyo amadekerdene û goreyê raporî, tewirê nebatanê ke vînî bîyî 2 qatê tewirê heywanan o.

Goreyê xebere, nebatî hîna rew vînî benî. Cigêrayoxî dîyar kenî ke raştîya xo de na hûmare tay a, hîna zaf nebatî vînî bîyî. Seke yeno zanayene verê cu Milletê Yewbîyayeyî raporêk eşkera kerdbî û rapor de dabi zanayene ke mîlyonêk tewirê heywan û nebatan ver bi vînîbîyayîşî de yî.

Seke yeno zanayene cayê nebatan zaf muhîm o û vînîbîyayîşê tewirê nebatan xo reyde çinbîyayîşê cuya gandaran ano. Dewamê cuya dinya, girêdayeyê oksîjen û çîyanê miqatebîyayîşî yê nebatan o. Dr. Eîmear Nîc Lughadha ke mîyanê ekîbê cigêrayîşî de ca gêno, wina va: “Merdimî zî tede bi mîlyonan gandarî cuyayîşê xo deyndarê nebatan î. Ma bi nê cigêrayîşan zanî ke ma kamcîn nebatan kura de vînî kerdî û programanê pawitişî eşkenî bierzî dewre.” n JINNEWS / AMED

Yazarın diğer yazıları

    None Found