Dîyar Xerîb xeylê cayan de ame vîrardene

Endamê Konseyê Serekîya Pêroyîye yê KCKyî Dîyar Xerîbo ke 5’ê Temmuze de, netîceyê hêrişê hewayî de şehîd bibi, xeylê cayanê Ewropa de ame vîrardene.

Paytextê Yewnanîstanî Atîna de bi rayraşîyayîşêk dagîrkerîya dewleta Tirkî ya vera Başûrê Kurdîstanî û qetilkerdişê Dîyar Xerîbî ameyî şermezarkerdene. Çalakgêrî bi beyraqanê PKK û KCKyî ver bi konsolosxaneyê Tirkîya rayra şîyî û bi siloganan dagîrkerîya dewleta Tirkî û xîyanetê PDKyî şermezar kerd.

Bajarê Hîldeshêîmî yê Almanya de zî seba Xerîbî masaya vîrardişî ameye ronayene. Vîrardişo ke bi rêzgirewtişî ame destpêkerdene de ame vatene ke bi sûîqastan yeno waştene ke yewîya Kurdan bêro xeripnayene. Qiseykerdoxan qetilkerdişê Mam Zekî Şengalî û Dîyar Xerîbî sey hedefkerdişê yewîya Kurdan hesibna û vat ê do destûr nêdê waştişê înan bêro ca û seba ke xîyalê Xerîbî bêrê ca ê do xoverdayîş gird bikerê.

Wa heme Kurdî vengê xo berz bikerê

Paytextê Almanya Berlîn de zî bi heman waştiş mîtîngêk ameye viraştene. Qiseykerdişan de qirkerdiş û îşxalê dewelta Tirkî bi ziwanêkê tûjî ameyî şermezarkerdene û vera ajanan û hemkaran reaksîyon ame dayane. Ame vatene ke no hêriş vera yewîya Kurdan de ameyo kerdene û ame waştene ke heme Kurdî û dostê înan vera naye vengê xo berz bikerê.

 ANF / BRUKSEL

Yazarın diğer yazıları

    None Found