Domano ke wesayîtê zirxinî da piro, merd

3 rojî verê qezaya Rezanî ya Amedî de Taxa 5 Nîsan de wesayîtêkê zirxinî dabi domanê 6 serrî Efe Tektekînî ro û Tektekîn giran birîndar bibi. Rewşa Tektekînî giran bî û doktoran ci de gonîşîyayîşê mezgî tespît kerdbî.

Domano 6 serrî ke tedawîya ci Nêweşxaneyê Fakulteya Tibî yê Unîversîteya Dîcle de dewam kerdêne, merd. Cenazeya Tektekînî seba kare otopsiye erşawîya Nêweşxaneyê Dewlete yê Selahattîn Eyyubîyî.

Ame musayene ke kalikê Efe Tektekînî Mehmet Tektekîn zî netîceyê pelçiqnayîşê wesayîtê TOMA yê polîsan de merdbi. Kalik Tektekîn 6ê Hezîrana 2018î de merdbi û netîceyê mehkemebîyayîşê şofêrê TOMA Ugur K.yî rê tena 2 serrî 9 aşmî û 10 rojî cezaya zîndanî dîyabî.

10 serranê peyênan de 16 domanî merdî

Goreyê daneyanê Komîsyonê Heqê Domanan yê Baroya Amedî 10 serranê peyênan de pêro pîya 16 domanî netîceyê ginayîşê wesayîtanê zirxinan de merdî.

 AMED

Yazarın diğer yazıları

    None Found