Êdî AKPî dewleta xo polîs saz kerd

Peynîya no serehewanayişî hukûmata AKP, no serehewanayişî zî xo ra firsed vîna û dewleta polîsê xo înşakerdişê rê qanûnê Ewlehîya Zereyî vet. No qanûnê ser serekê Komeleya Huqûqnasê yê Azadîwaştî Firat Epozdemîr qise kerd. Epozdemîr dîyar kerd ke nika ra pey do bê destûrê dozgerî polîsan ser xo merdiman bigêrî û bigê binçimê û wina vat: “Hewna bê biryarê dadgehan polîsan gêrayişê vergirewtişî û binçimê bigêrî. Asil armancê hukûmate, polîsî ra ser xo selahîyetê çekê şuxulnayiş dayişo. Ma kilmî bivajo bi no qanûnê selahîyetê polêsî zaf hera bîyo û êdî polêsê AKP bi no selahîyetê xo di Tirkîyaye de dewleta huqûqê mîyanî ra bihawanî. Zatî nika polîsê AKP xo wayîrê dewleta vînenî, bi no qanûnî zî êdî şuxulnayişî bê qanûnê polîsê AKP aver berî.”

Qanûnê azadîwaşt

Epozdemîr aşkera kerd ke êdî di Tirkîyaye de vengê mûxalîfî hîna weş û berz vejîyeno, taybetê no vengê mûxalîfî zî hetê HDP berz vejîyeno, no ser zî hukûmata AKP wazena bi no qanûnê çimê mûxalîfan bitersno û wina domna: “Sifteyin rayedarê na welate û lebatê meclîsê bivînî ke, qet qanûnê ewlehîyê na welate ra feyde nêkerdî. Êdî qanûnê ewlehî nê, qanûnê azadîwaşt bêro vetiş. Ma kilmî bivajo bi no qanûnê selahîyetê polêsî zaf hera bîyo û êdî polêsê AKP bi no selahîyetê xo di Tirkîyaye de dewleta huqûqê mîyanî ra bihawanî.”Epozdemîr bal ont ser operasyonê 17 û 25 qanûnê û wina dewam kerd: “Çi heyfo ke dewleta tirk hema zî nê operasyonan ra ders nêveto, eke şima selahîyetê polîsê hera bikerî, do meştî polîs xo ra heqê operasyonê bivîno û verba şima darbe bikero. Zatî no qanûn bi aşkera, madeyê 2’in a Mekaqanûnî ra eyqirî yo. Bi no qanûnê heme heqê merdimatî vila bêro vetiş. Eke no ver qanûn, bibo se qanûn, do madeyê Mekaqanûnî ra eyqirî bibo û no ser zî Dadgeha Mekaqanûn no qanûnê betal bikero.”

STENBOL 

Yazarın diğer yazıları

    None Found