Efrîn de 227 Sivîlî qetil kerdî

Dewleta Tirkan Efrînî de serrêk û nême de 227 sivîlî qetil kerdî, 638 sivîlî zî birîndar kerdî.

Dewleta Tirkan serrêk û nême ra nat Efrîn dagir kena. Dewleta Tirkan Efrînî de zaf sucê şerî û qirkerdişî kerdî. Nê sucî û qirkerdişî hetê Rêxistina Heqanê Merdiman a Efrînî ra ameyî qeydkerdene.

Gore xebera ANHA doneyê Rêxistina Heqanê Merdiman a Efrînî ra girewte, 20 çeleyê 2018î ra ke Dewleta Tirkan dest pê hêrişê Efrînî kerd, Efrînî de 167 camêrdî, 28 cinîyî û 32 domanî ameyî qetilkerdene. 87ê înan domanî 638 sivîlî birîndar bîyî.Rêxistina Heqanê Merdiman îfade kerd ke 6 hezaran ra zêdêr serebûtê remnayîşî qewîmîyayî ke tede domanî zî estî. Aqibetê 3 hezar kesanê ke ameyî remnayene nêno zanayene.

Dagirkeran Efrînî de 15 hezar zeytunêrî birnayî ke tede darê 70 serrî zî estbî. 15 hezar wersêrî û dara greyfurtî zî hetê dagirkeran ra talan bîyî. Gore Rêxistina Heqanê Merdiman mabênê 3 û 5 mîlyonan de darî hetê dagirkeran ra ameyî talankerdene. dagirkerîya Efrînî ra ver şaristanî de 300 tesîsê zeytunan bibî, nika zî 160 tesîsî estî. Seba ke Dewleta Tirkan tesîsan ra haraç gêna kantonî de viraştişê sabunan bîyî kêm. Berardişê berhemanê bazirganîye de se ra 25 kêmîye esta. n MERKEZXEBERAN

Yazarın diğer yazıları

    None Found