Embazê wendegehê Sara day famkerdiş

Serra 1958’ê di dewa Kirakosa Dêrsimî de ame dinya û malbata Sara nêm karmend nêm zî karker bi. Wendegehê sifteyin û mîyanê di Dêrsimî de wend û lîseyî zî navenda Dêrsimî taxa Alîbabaye de peynî kerd. Di serra 1970’yî de pêroyina dinyaye de vaya tevgera şorişger estbi.

Bîyayişê Pîr Sultanî

Di serra 70’an de taybetê ser Dêrsimî polîtîkayê tade û zilmî zêdîyaybîy, taybetê elaqaya Cansizî ya şorişgerî ra qewimyayişê Pîr Sultan a 1969’ê bi semed. Serra 1969’î de yew kaya tîyatroya babetê Pîr Sultan Abdalî ameybi dest girewtiş la belê pergala faşîst na kaye ra asteng bibî û peynî zî di qewimyayişî de welatijê bi nameyê Mehmet Kilan cuyayişê xo dabi. Peynîya no qewimyayişî zî ser şarê Dêrsimî de tade û zilma dewlete hîna zêdîya. Nêy tade û zilman ser bawereya şorişgereya Cansizî hîna xurt bi. Dema lîseyî de Cansiz Şorişgeran şinasna û peynî zî Cansiz di Dêrsime û Xarpête de xebatê sîyasî û ciwanan kerd. Embazê Cansizî yê wendegehî cuyayişê Cansizî ser qisey kerdîy.Wendegehî ra embaza Cansizî Yemoş Guzel vat ke Cansiz kişta mayî ra merdima a ya û wina vat: “Ma şenikê ra xo ra embaztî ya yewnan kerdî. Seba pîyê Sakîneyî di teberê welatê de karker bi, no ser yew dem Sakîne vejîya teberê welatî û peynî de zî agêra. Sakîna keseke bi biryardar, cesur û mutevazî bi.”

Her tim rayerî kerd

Wendegehê ra embazê Sakîneyî Cemal Soylemez zî aşkera kerd ke di serrêy 70’an de Cansizî şinasnayo û wina dewam kerd: “Dema lîseyî de Sakîne min ra çend emr gird bi. Her tim Sakîne verê refan ca girewtê. Di wendegehê de zî di mîyanê zîlî de her tim şîynê hetê yew kesî û xebatê vîrdozîyî kerdê. Qet uslûba xo şorişgerî xirap nêkerd.”Dewamê qise xo de ard vîr ke a her tim şorişgeran het de xo rehet hîs kerdê ra waştê hetê înan bimana.

Berîya Dêrsimê kerdbi

Soylemez vatişê xo peynî îzeh kerd ke Cansizî tewr peynî di weçînayişê heremê Ewropaye de vînayo û wina peynî kerd: “Dema ke ma yewnan dî, di mîyanê xo de qise xo de Sakîne zaf Dêrsim ra qise kerd, vatê ez berîya Dêrsime kerda.”

  SEVÎNÇ ZELAL ATAŞ/DÎHA/DÊRSIM

Yazarın diğer yazıları

    None Found