Ez seba pawitişê daran ameya

AHMET BAKIR/ERSÎN OZGUL / PÎRHA/ÇANAKKALE

Demêko derg o ke hewl dîyeno Koyanê Kazî de madene altûnan bêro viraştene û vera nêyî de şar xover dano. Vera madenî de Nobeta Awe û Wijdanî yena tepiştene û 7 serrî ra heta 70 serrî xeylê kesî çalakîye de cayê xo gênî.

Bi seyan kesî seba ke ‘Talanê Tebîetî ra vajî nê’ her roje cayê çalakîye de yenî têhet. Labelê vernîya çalakgêran de têlê teluyinî ronîyayî û derbazbîyayîşê çalakgêran yeno astengkerdene. Nê çalakgêran ra yew zî Denîz Cano 7 serrî yo. Can herçiqas ke emrê ci şenik o zî, beşdarê çalakîye bîyo. Can wexto ke hewl da kilît akero, eleqeyêko gird dî.

Can bi vengêko berz va ‘Beran akerê’ û bi heyetê cigêrayîşî reyde kewt wareyî. Wexto ke mabênê çalakgêrê ke nêgirîyayî zere û xebatkaranê ewleyîye de munaqeşe vejîya, Canî zî hewl da ke kilîtî akero. Canî dîyar kerd ke o waşto ke kesê ke teber de mendî, bigîro zere û wina domna: “Darî zî gandarî, gune yî. Seba altûnan darî birîyayî. Ez seba ke daran bipawa, ameya tîya. Ez nêwazena ke daran bibirnî. Darî zî ganî yî, gune yî.”

Yazarın diğer yazıları

    None Found