Ganî Almanya nêbo sitargehê qatilan

Endama Meclîsê Federalî ya Partîya Çepe ya Almanya Helîn Evrîm Sommere derheqê Qirkerdişê Sêwasî û rolê Almanya yê qirkerdişî de eşkerayîyêk daye.

Sommere bale ante qatilê Qirkerdişê Sêwasî ke Almanya de manenê ser û wina va: “2ê Temmûza 1993î de Otela Madimakî de 33 roşnvîr, nuştox û hunermendê ke zafê înan Elewî bî, bi veşnayîş ameyî qetilkerdene. Rixmo ke qirkerdişî ser ra 26 serrî ravêrtî zî hema qatilî nêameyî cazakerdene. Bi nê qirkerdişî tena Elewîyî nê, ameyoxo roşin yê merdimîye zî ameyo hedefgirewtene.”

Sommere vist vîrî ke tayê qetilkarê Qirkerdişê Sêwasî yê ke bi bultenê sûrî yenê gêrayene, Almanya de bica bîyî û înan ra yew zî bîyo hemwelatîyê Almanya û wina dewam kerde: “Rixmê heme vatişanê ma yê Partîya Çepe û huqûqnasanê pabesteyê dezgehanê Elewîyan Almanya bêvengîya xo pawena û bi nê tewirê xo bena paştgêrê nê qirkerdişî. No sucêko gird o. Bi ravêrtişê demê ci û huqûqê welatêk nêno sînorkerdene. Almanya cayê paştdayîşê înan nêya. Ganî Almanya semedê muhakemekerdişê înan tê bigêro.”

ANF / BERLÎN

Yazarın diğer yazıları

    None Found