Ganî destûr nêdîyo tecrîdêko newe

Meryem Erbeya 65 serrî ke hîrê domanê aye zîndananê cîyayan de kewtî grevê vêşanîye, derheqê grevê vêşanîye ser o qisey kerde û bale ante tehlukeyê destpêkerdişê tecrîdêko newe ser.

Dayîke da zanayene ke lajê aye Mehmet Erbey 26ê Kanûne de Zîndanê Duzce yê Tîpê Tyî de, keynaya aye Maşallah Erbeye 5ê Çile de Zîndanê Bunyanî yê Kayserî de û lajê aye Denîz Erbeyo 22 serrî zî Zîndanê Denîzlî de kewtê xoverdayîşê grevê vêşanîye.

Dayîke Erbeye dîyar kerde ke halê weşîye yê domananê aye wextê xoverdayîşî de xirab bi û qedîyayîşê çalakîye ra dima înan dest bi şimitişê şorba kerdê, la hewna nêeşkenê werdo normal biwerê. Erbeye va ‘Nêweşîyêka mende înan de nêvejîyaye’ û wina domnaye: “Qe nêbo ma ra wina vanê. Labelê serranê ameyoxan de do xo ramojno.”

Erbeye qiseykerdişê xo wina qedênaye: “Ê her tim amade yê ke bedenê xo bidê vêşanîye. Labelê na yewe çareserî nêya. Seba îhtîyacî bi çalakîyanê bi nê hawayî nêmano xusûsen ma yê ke teber de yê, ganî nê prosesî rê wayîr vejîyê, yanî tecrîdêkê neweyî rê destûr nêdê. Ma, dayîkê înan ma do bibê vengê înan.”

ANF/MERSÎN

Yazarın diğer yazıları

    None Found