Ganî herkes bibo şerwanê ziwanê dayîka xo

Hemsereka Komeleya Cigêrayîşanê Ziwan, Kultur û Hunerî (DÎSA-DER) Evîn Adîne zî Roşanê Ziwanê Kurdî pîroz kerd û wina va: “Ti ziwan bi qirkerdiş û asîmîlasyonî çin nêbîyo. Kurdî ziwano 4. ke Rojhelato Mîyanên de yeno qiseykerdene yo. Ganî Kurdî hîna zaf bêro qiseykerdene û pawitene. Herçiqas ke no ziwan nêbîyo fermî zî, hertim cuyayo û do bicuyo zî. Ganî dayîk, doman û ciwanê ma hîna zaf Kurdî qisey bikerî. Reyna ganî ma vera asîmîlasyonî de xoverdayîşê Kurdî bidomnî. Ganî herkes bibo şerwanê ziwanê dayîka xo.”

Adîne va ‘ziwanê dayîke mefhûmêko zaf muhîm o’ û wina domnaye: “Doman hîna pîzeyê dayîka xo de tayê çîyan eşnaweno. Yanî pîzeyê dayîka xo de ziwanê dayîke museno. O doman wexto ke yeno dinya û perwerdeyê ê ziwanî museno, beno ziwanê cuya. Bêxera ziwanê dayîke sewbîna yew ziwan ferzkerdiş, dagîrkerî ya. Ganî ma domananê xo bi ziwanê dayîke pîl bikerî. Cok ra ganî şarê ma ziwanê xo rê wayîr bivejîyo.”

Yazarın diğer yazıları

    None Found