Ganî konferansê neteweyî bêro viraştene

Komîteya Caardişî ya PKKyî îzehetêk da û seba yewîya Kurdan veng da. Komîteye bale ante muhîmîya Konferansê Neteweyî yê Kurdan ser û dîyar kerde ke no proses de lazimî bi Konferansê Neteweyî yê Kurdan esta.

Komîteya Caardişî îzehetê xo de dîyar kerdo ke wro Rojhelato Mîyanên de Şerê Dinya yê 3. yeno ciwîyayene û wina dewam kerde: “Kurdîstan Şerê Dinya yo 1. de ame çarlete kerdene û Kurdan ser o polîtîkaya çînkerdişî yena rayraberdene. Ewro rayberîya dewleta Tirkî de nê polîtîkayê qirkerdişî yê vera Kurdan de dewam kenê. Tirkîya her ca de hêrişê qezencanê Kurdan kena. Hêrişê vera Rojawanî de zî herişê vera cuya demokratîke û azade ya Kurdan de yê. Hêrişê vera estena Kurdan de yê.”

Komîteye dewamê îzehetê xo de wina vato: “Qewimîyayîşê serranê peyênan eşkera ramojnenê ke heta ke Kurdî nêbê yewe, ne eşkeşenê qezencanê xo bipawê ne zî serkewtişanê neweyan bifînê dest. Serkewtişê Kurdan bi yewîye mumkun o. Nê semedî ra ganî heme hêzê sîyasî, partî, şaro demokratîk o rêxistinkerde, roşnvîr û hunermendê Kurdan bêrê tehêt û Konferansê Neteweyî virazê. Eke ma nika nêbê yewe ma do bedalanê girdan bidê. No demo ke hem îmkanê qezencanê girdan zaf ê, hem zî tehluke gird o ganî ma Kurdî pêro pîya têbigêrê. Kombîyayîşo ke 14 partîyanê sîyasîyan Başûrê Kurdîstanî de viraşt, zaf muhîm o. Ma înan silam kenê. Ma do berpirsîyarîya xo bica bîyarê û seba serkewtişê Kurdan çi hewce keno, bikerê.”

ANF / BEHDÎNAN

Yazarın diğer yazıları

    None Found