Ganî ma têkoşînê xo gird bikerî

Endamê Koordînasyonê Komalên Ciwanî Manî Awyero ke beşdarê Kongreya 2. ya Tevgerê Ciwananê Welatperwerî bî, qisey kerd û vera faşîzm û dagîrkerî de veng da ciwanan. 

Awyerî destpêkê qiseykerdişê xo de va ‘Rojhelato Mîyanên de prosesêko tarîxî yeno cuyayîş’ û wina dewam kerd: “Ciwanê Agoger heta nika senî ke şoriş de rol û mîsyonê xo bica ardî, do nika ra pey zî bîyarî ca. Vera faşîzmî de têkoşînê azadîye de rolê esasî keweno milê ciwanan ser de. Ganî ciwanê kurdî vera hêzê faşîst û dagîrkeran de têkoşînê xo berz bikerî.”

Ciwanî hêzê rayberî yî

Awyerî bale ant perspektîfê Rayberê Şarê Kurdî Abdullah Ocalanî ke bi serran o derheqê çîyê ke herême de do bêrî cuyayîş ser o ano ziwanî ser û wina va: “Herêma ma de çîyê zaf muhîmî qewimîyenî. Prosesê winasîyan de rolê ciwanan zaf gird o. Rayber Apoyî zî no het de hişyarîyê muhîmî kerdbî û bale antbî rol û mîsyonê ciwan û cinîye ser. Şarê ma heta nika xeylê bedelê girdî dayî. Eke vera nê faşîzmî de têkoşîn nêro dayîş, do seba heme şaran bibo tehlukeyin. Faşîzm ewro tena bi Warê Pawitişê Medya û Vakurê Kurdistanî reyde sînordar nêmend, hêrişanê xo kirişt Rojawan û Şengalî zî. Wa her kes bizano ke ciwanê Apoyî nika ra pey zî ma do têkoşînê xo xurt bikerî û nê hêrişan veng bivejî.”

Ganî başûr zî têkoşîn bido

Awyerî peynîya qiseykerdişê xo de veng da ciwananê Başûrî ke wa vera hemkarî û faşîzmî de têkoşînê xo berz bikerî û wina qedêna:“Başûrê Kurdistanî bi serran o ke krîzêko gird cuyeno. Bi nê sîstemî hewl danî ke hişê merdiman veng bikerî û ciwanan teslîm bigirî. Labelê şarê ma senî ke vera Helebçe û Enfalan de xover da, do ewro zî wina xover bido. No xoverdayîş de rol û mîsyono gire keweno milê ciwanê Başûrî ser de. Cok ra ganî ciwanî xo perwerde bikerî, rêxistine bikerî û beşdarê têkoşîn bibî.” 

 ANF/KERKÛK

Yazarın diğer yazıları

    None Found