Gêrayoxê heqîqete: RIZGAR DENÎZ

Rojnameger Rizgar Denîz (Adanmiş) 1991 de Sêrt de yeno dinya û hîna şenikîya xo de raştê zulme dewleta tirkî yeno û 96 de keyeyê xo reyde koçê Başûrê Kurdistanî kenî û kampa Mexmurî de bica benî.

Rizgar sifteyîn Rojnameyê Rojevî de xebetîyeno. O wext kadroyanê PKKyî ra Sakîne Cansize reyde roportajêk virazeno û dest bi wendişê kitabanê Cansize keno. Rizgar dima ra Akademîya Gurbetellî Ersoze de beşdarê perwerdeyê rojnamegerîye beno. Rizgar cuya xo de wendişê esas gêno û rojnamegerîya xo aver beno. Rizgar wexto ke DAIŞ hêrişê kampa Mexmurî keno, Denîz Firate reyde xebetîyeno û xo sey şagirdê Denîz Firate şinase keno. 

Xeta îxanetî ser o vindeno

Rizgar wexto ke yeno Rojawan muxabîr û edîtorîya ANHAye keno. Rizgar wexto ke museno Denîz Firate şehîd kewena, hîna zaf wayîrê mîrasê Firate vejîyeno û vejîyeno raşteyan. Dima ra şono Şengal û tîya de Çira TV de xebetîyeno. Hêrişê çeteyan yê Şengalî game bi game taqîp keno. Tîya de xeta îxanetî ser o zaf vindeno. 2017 de reyna agêreno Rojawan û tîya de ser nameyê Stêrk Tvyî dest bi xebetîyayîşî keno. 12ê Teşrîna verêne de netîceyê hêrişêko bombeyîn de embazanê xo Dilîşan Îbişe û Hogir Mihemedî reyde reseno şehadet.  

ANHA / QAMIŞLO

Yazarın diğer yazıları

    None Found