HDP do hetanê bînan reyde bêro têhet 

BERÎVAN ALTAN  / MA / ANQARA

Heyetê Caardişî yê Merkezî yê HDPyî û Meclîsê Partî kombîyayîşê xo viraşt û kombîyayîş de qerarê destpêkerdişê xebatanê ‘Qanûno bingeyî yo Demokratîk’ girewt. Kombîyayîş de babetê ‘Seferberîya Rêxistinbîyayîşî’ û ‘Qanûno bingeyî yo Demokratîk’, ODTU de birnîyayîşê daran, Heskîf û problemê zîndanan ser o ame vindetene.

Kombîyayîş de qerar ame girewtene ke ekîba ke serkêşîya ci Serekwekîlê Meclîsî Mîthat Sancarî keno de amebî awankerdene, xebatanê xo bilezno. Kombîyayîş de ameyo vatene ke HDP na xebate de do herême ra dest pêbikero û komelî zî beşdarê munaqeşeyan bikero. Na çarçewa de do rêxistinê komelî yê sîvîlî, grûbê bawerî û rêxistinê cinîyan reyde pêvînayîşî bêrî kerdene.

Derheqê rijîyayîşê ekolojîkî de zî tayê qerarî ameyî girewtene û HDP do 13ê Temmûze de Heskîf de bibo. Reyna kombîyayîşo ke tede munaqeşeyê paketê huqûqî zî ameyî kerdene de qerar ame girewtene ke bi hawayo hîna xurt têkoşînê zîndanan bêro dayene û no het de hîna zaf destek bidîyo înîsîyatîfanê sîvîlan.

Yazarın diğer yazıları

    None Found