Hêgayî bi veyvekan bîyî sûre

Tebîetê Mezopotamya ke wayîrê florayêka dewlemend a, bi ameyîşê wisarî heme rindîya xo nîşan dana. Bi hezaran tewir vilik, û nebatî nê erdan ser o resenî û bi hezaran tewir heywanî zî cuya xo domnenî. Bejrayîrê Êlih û Mêrdînî de îstîkametê rayîrê Heskîfî ser o pirrê veyvekî (xaşxaşika kutikan yan zî edale) yî.

Reyna dewa Kezervo ke bi bexçeyanê fistiq û merci pirr î de zî veyvekî sûre kenî. Raywanê ke ewja ra vîyarenî, vindenî û fotografanê nê rindîyan ancenî. Nê raywanan ra yew zî Omer Soysal o. Goreyê Soysalî veyveke vilika tewr rinde ya Mezopotamya ya.

Soysal etirîyeno ke nê rindîyî zî bi virazîyayîşê Barajê Ilisu çin bibî û wina dewam kerd: “Ma zanî ke tebîetê Heskîfî tîya ra rindêr o. Na rindîye tena rayîrî ser o esta. Seba ke na rindîye çin nêba, ma nêwazenî Heskîf binê awe de bimano.”

MA / ÊLIH

Yazarın diğer yazıları

    None Found