Heleb de rayîrraşîyayîşo meşaleyin

Kongreya Starî vera hêriş û dagîrkerîya dewleta Tirkî de bi siloganê ‘Herre û Rûmetê xo Bipawe û Zorê Dagîrkerîye bîşo’ hemleya çalakîyan daye destpêkerdene. Taxa Şêxmeqsûdî ya Helebî de na çarçewa de rayîrraşîyayîşo meşaleyin viraşt.

Bi seyan ciwanî vernîya merkezê Tevgerê Ciwananê Şorişgerî yê Sûrîye de ameyî têhet û dest bi rayîrraşîyayîşî kerdî. Ciwanan posterê Rayberê Şarê Kurdî Abdullah Ocalanî û pankartî kiriştî. Reyna ciwanan meşaleyî tavistî û siloganî eştî. Rasteyê rayîrraşîyayîşî de mîtînge ameye viraştene.

Mîtînge de seba şehîdan rêzgirewtiş ame girewtene û dima ra Îdarekara Tevgerê Ciwananê Şorişgêrî Berîvan Henane qisey kerde. Henane daye zanayene ke ê do heta ke hêrişê dagîrkerîye qedîyenî çalakîya xo bidomnî. Çalakîye bi siloganan qedîya.

ANHA / HELEB

Yazarın diğer yazıları

    None Found