Hepsî Goksungur beşdarê cenaze bi

Bi nameyê Hasan Goksungurî de keso ke serra 1993î ra nata zîndan de yo û cezaya muebbedî dîyaya ci, roja Sêşeme beşdarê merasîmê cenazeya pîyê xo bi. Goksungur bi hawayo kelepçekerde dewa Pulyanî ya Pazarcixî de beşdarê cenaze bi.

Goksungurî ewil pîyê xo defin kerd û dima ra şi banê keyeyê xo yê dewe. Goksungur pêro pîya 4 saetan dewe de mend û dima ra leşkeran ey berd zîndan. Goksungurî dewe de qisey kerd û hîsê xo wina îfade kerdî: “Ez 26 serrî yo ke zîndan de ya. Pîyê mi û hemrayê mi qet ez tena nêverdaya. Hertim hetê mi de bî. Têkoşîn de tewirê dayîke û pîyanê ma hêz dayo ma.”

Goksungur wexto ke agêra zîndan, bi çepikan ame oxirkerdene. Wexto ke Goksungur dewe de bi xeylê cayanê dinya ra merdimanê ci telefonê Goksungurî kerd û persa ci kerdî. Goksunguro ke 1993î ra nata zîndan de yo, heta nika zîndananê Meletî, Yozgat, Gurgum, Kurkçuler û Sêrtî de mendo. Goksungur nika zî Zîndanê Elbîstanî de maneno. Goksungur beşdarê grevê vêşanîye zî bibi.

ANF / MEREŞ

Yazarın diğer yazıları

    None Found