‘Hesreta maya xo mendî

Qezaya Nisêbînî ya Mêrdînî de 14ê kanûna 2015 de reya 6. qedexeyê tebervejîyayîşê kuçeyan amebî îlankerdiş û 20ê kanûne de zî taxa Girnavasî de cinîya bi nameyê Emîre Goke ameye qetilkerdiş. Şahidê hedîseyî vatbî e polîsê ke Cadeyê Îpekyolu de bica bîbî, bi hawayo bêkontrol dormeyê xo ser de gule reşanaybî û Emîreye zî bi hawayo zanayîş qetil kerdbî. Keyeyê Emîre her çiqas ke derheqê hedîseyî de doze akerd, heta nika kerdoxî nêameyî dîyayîş. Babete ser o kênaya Emîre Basra Goke qisey kerde. Goka ke wexto ke dayîka aye ameye qetilkerdiş dayîka xo het de bîye va: “Ez wazena kesê ke dayîka mi qetil kerdî wa bîrê cezakerdiş.”

Min nêzanayêne merda 

Basra Goke va ‘wexto ke gule dayîka mi gina, ma nêzana ke se bikerî’ û wina dewam kerde: “O wext ez wina cemedîyaya. Tayê guleyî mi ser de zî ameyî. Wexto ke vengê guleyan birîya, mi çend kesê ke teber de bî ra waşt ke wa veng bidî ambulans. Mi nêzanayêne ke dayîka mi merda. Cayo ke guleyî ginaybî gonî daxî nêameynê.”

Basra peynîya qiseykerdişê xo de wina va: “Mergê dayîka mi ser ro serrêk derbaz bî. Ma zaf bêrîya aye kenî û hêrsê ma nêqedîyeno. Ez ti xo bi xo persena. Dayîka ma şîye, pîyê mi doze akerd. Ez nêzana ke doze çi merhale de ya? Çend guleyê ke keyeyê ma ginaybî, polîsan ma ra girewt, çendê bînan zî ma avûkat. Labelê ma hema zî netîce nêgirewto.”  

ŞÛJIN/MÊRDÎN

Yazarın diğer yazıları

    None Found