Heta qirika mi ame ‘Nê’

Yê ke referandûm de vanî nê ra hetêk zî citkar û karker î. Bajarê Antalya ke hem merkezê turîzmî û hem zî merkezê zîretî yo de citkar û karkerê zîretî zî vanî nê. Nînan ra Endamê AKPyî Yavuz Erdemo ke citkarî keno û Şîrîn Duymazo ke karkerê zîretî yo, qisey kerdî.

Erdemo ke 2002 ra nata reya xo dano AKPyî, wina va: “10 serrî verê kîloyê xiyaran 1 lîra bî û torbeyê gubreyî zî 10 lîra bî. Nika hema zî kîloyê xiyaran 1 lîra yo, labelê torbeyê gubreyî 150 lîra yo. Ma dizdê nêkenî û heta qirika ma ame. Ma êdî nêşênî îdare bikerî. Mi par 80 ton mal rote, teyaraya Rûsya kewte û 70-80 hezar lîra deynê mi virazîya. Nika zî Hollanda reyde krîz yeno cuyayîş. Êdî ma nêşênî vajî wa xêrin bo. Ez vana nê.”Şîrîn Duymaz 10 serrî ra zafêr o ke karkerîya zîretî keno û wina va: “Welat de çîyo ke nêame rotiş, nêmend. Citkar merdo, zîret merdo. Wa milet se bikero? Ma ra pawenî ke ma vajî ya. Ma do nêvajî ya. Ez seba ke şêrî ser sindoqan û vajî nê, veng dana şarî. Ma heqê keda xo nêşînî bigirî. Êdî bes o.”   

 DÎHABER/ANTALYA

Yazarın diğer yazıları

    None Found