Hêvîya xo vînî mekerê, her çî manaya xo esta

Bi nameyê Aras Osmanî de keso ke Silêmanîya Başûrê Kurdîstanî de cuyeno, 1991 de netîceyê teqayîşêkî de her di polê xo vînî kerdî. Osman hîna domanîya xo de problemanê ekonomîkan ver mecbûr mendo ke wendişê xo ca verdo û dest bi şivanetîye kerda.

Osman hetê xêzkerdişê resimî de zaf jêhatî yo û qet goş nêdano astengîyan. Osman bi engîştanê linganê xo resim xêz keno. Osman dano zanayene ke o serra 1999 de şîyo nêweşxane û ewja de doktorêk tira vato ‘ti çira karo ke ti tira hes kenî, nêkenî?’ û wina domneno: “Doktor bi sebeb ke ez xo ra bawer bikera. Doktorî qeleme û kaxiz ardî û mi ra waşt ke ez resim xêz bikera. O wext ra nata yo ke ez resiman xêz kena.”

Osman vano ‘heta nika mi 5 sergîyî akerdî’ û wina dewam keno: “Her tabloyêkê mi manaya xo esta. Mi dest bi heskerdişê cuye kerd û ez bîya bihêz. Xeyalê mi pîl î. Nika nêyî tesîrê xo resiman de zî nîşan danî. Ez zafane tebîet, hêvî, têkilîya merdiman û feqîrîye resiman de xêz kena. Ez herkesî ra vana ke wa hêvîya xo vînî mekerê. Her çî manaya xo esta. Labelê hukmat astengdaran peygoş kena û destek nêdana înan. Ganî hukmat goreyê komelî têbigêro.”

ROJNEWS / SILÊMANÎ

Yazarın diğer yazıları

    None Found