Hûmara kanûne ya Newaya Jin vejîyaye

Newaya Jin menga kanûne de bi manşetê ”Serewedaritişê vera çerxê pûçbîyayeyî yê patrîyarka” ameye weşanene. Rojnameyî de xoverdayîşê cinîyan vejîya vernî.

Hûmara peyêne ya rojnameyê Newaya Jin bi babetanê cîyayan resaye destê taqîbkerdoxanê xo. Rojname bi manşetê ”Serewedaritişê vera çerxê pûçbîyayeyî yê patrîyarka” vejîya û bi taybetî têkoşînê cinîyan ê vera şîdetê camêrdan û dewlete ser o vindert.

Zeynepe Kizilirmak behsê hêrişê dewleta tirke vera Rojawanî kerd û pare kerd ke dewleta tirke seba ke şorişê cinîyan bifatisna nobetdarê xo erşawitî meydan la ê kewtî binê linganê cinîyanê xurtan.

Merale Çîçek zî karakterê cinîyan ê vera hêrişê Rojawanî ercna.

Zerya Gul bale ante rolê hêzanê emperyalîstan ê ke hêrişê Rojawanî kenê û xoverdayîşê seba asayîşî û cuya azade.

Rojnamegere Rûkene Cemal zî derheqê hêrişanê dewleta tirke yê vera Rojawanî de nuşt.

Rojnamegere Ronî Eylem polîtîkayanê rejîmê Erdoganî ser o nuşt.

Gulîstan Çîya Îke zî netîceyê çalakîyanê 25ê teşrîna peyêne yê dinya û Kurdîstan ercnayî.

Na hûmare de Hemsereka KNKyî Zeynebe Murad reyde roportajêk esto ke derheqê yewîya neteweyî de qisey kena. Roportajê Parlamentera HDPyî ya Şirnexî Nurane Îmîr de zî faşîzmê vera sîyasetê kurdan ser o yenê qiseykerdene. Hûmare de portreyê aktîvîsta hînte Shehla Rashîd Shora û aktîvîsta amerîkayîje Lucye Parsons zî ca girewt.

Yadkerdişê Leyla Şanli (Bêrîtane Hêvî) ame weşanene ke 21ê gulana 2009î de Amedî de wefat kerd.

 ANF/KOLN

Yazarın diğer yazıları

    None Found