Îdareyê Xoserî seferberîye îlan kerde

Îdareyê Xoserî yê Vakur û Rojhelatê Sûrîye îzehetêko nuştekî da û vera îxtîmalê hêrişê dagîrkerîye yê dewleta Tirkî de seferberîye îlan kerde. Îdareyê Xoserîyî îzehet de dayo zanayene ke înan vera zêdebîyayîşê tayê amadekarîyanê artêşa Tirkî û çeteyanê ci de seba 3 rojan seferberîye îlan kerda.

Îdareyê Xoserîyî îzehetê xo de veng dayo şarî û wina dewam kerdo: “Ma veng danî heme şarê xo ke wa berpirsîyarîyanê xo yê tarîxîyan îdare û dezgehan de bica bîyarî û vera hêriş û dagîrkerîyan de xover bidî.”

Îdareyê Xoserîyî vato ‘ma şaranê Kurdîstanî û heme dinya ra wazenî ke wa vera nê erdan û şaran de berpirsîyarîya xo bica bîyarî û çalakîyan organîze bikerî’ û wina dewam kerdo: “Ma dîyar kenî ke çîyê ke bêrî cuyayene ra Milletê Yewbîyayeyî û heme dezgehê ci, Amerîka, Yewîya Ewropa, Rûsya û Sûrîye berpirsîyar î û ma veng danî heme dinya seba ke zirar nêro şaranê Sûrîye rê ganî herkes tayê çîyan bikero.”

ANHA / QAMIŞLO

Yazarın diğer yazıları

    None Found